Qeqertarsuarmi kommunimi sulinermi ukiunik 50-ngortorsiortoq

Hansine Broberg 1. oktober 2019-mi kommunimi sulinermini ukiunik 50-ngortorsiornikuuvoq. Maannalu november 2020 ukiut 51-it pisortat suliffeqarfiutaanni – kommunemi –  sulereerluni

soraarninngortussanngorluni.

Ukiut 50-it sulisimanermini Hansine ima oqaluttuarpoq:

Tassa sulilerpunga 1. oktober 1969 sulilu ullumikkut sulillunga.

Sulilerninniit immikkoortortaqarfiit assigiinngittut misilittagaqarfigaakka imatut oqarsinnaavunga Qeqertarsuup kommuniugallarmalli sulilerama Qaasuitsup kommuniani suligama maannakkut kommune Qeqertalimmi sulivunga. Imatut paasillugu suliffik ataaseq suliffigalugu  Qeqertarsuaq ukiuni 50-ni angunikuuara.

Tjenestemanditut atorfeqalerpunga 1. juli 1990 sulilu ullumikkut tassani inissisimallunga.

Suliffissarsiuussisarfimmi siunnersortitut sulilerpunga 1. november 2000-mi

Taavalu 1. juni 2014-mi Afdelingslederitut sulilerpunga Suliffeqanngikkallarnermi napparsimanermilu ikiorsiissutinik Qaasuitsup kommuniani Qitiusumik allaffimmik pilersitsisoqarneranut atatillugu tassani akisussaasutut sulilerlunga.

Taavalu ukioq 2020-ip aallartilaarnerani ikiorsiissutit piffinni sullissisunut tunniussuunneqarmata tamatuma kingunerisaanik socialeqarfimmi Siusinaartumik Pensioneqalernissamut sullissisutut ullumikut sulivunga barselsvikariugallarlunga.

Atorfillit kattuffiata ataani sulisunut sinniisutut sulinikuuvunga ukiut isikkaneq marluk (12).

Hansine Broberg ukiorpassuarni sulisimaneranut aammalu Atorfillit Kattuffiannut sinniisuusimaneranut qutsavigingaarparput siunissamilu ajunnginnerpaanik tamanik kissaallugu.