Asasagut KIGUT-mi ilaasortat

KIGUT Feriefrirejsefondi ulloq 26. november 2020 ataatsimiippoq feriefrirejse aammalu fondip aningaasaateqarnera pillugu. Fondi sulisitsisuniit qaammammut aningaasanik ikisisarneritigut aningaasaliiffigineqartarpoq, sulisitsisullu massakkuugallartoq qaammammut ikisartagaat sulisumut ataatsimut 350 koruuniuvoq. Aningaasat allaffissornermut aammalu feriarnissamut angalanissamut tapiissutigineqartarput. Feriefrirejsefondip ataatsimiinnermini paasivaa massakkut tapiissutigineqartartut aningaasat isertitaniik annertunerungaatsiartut. Tamanna pillugu fondi ukiut tamaasa amigartooruteqartarluni. Taamaammat Ferierejsefondi imatut aalajangiivoq:

Ukiumi feriarfiusumi 2021-imi (1. februar 2021 31. januar 2022 tungaanut) sulisoq annerpaamik 8.400 koruuninik taperneqarsinnaassaaq sulisup feriefrirejse-lernerani. Sulisup angalanissaa 8.400 koruuniniik akikinnerussappat akia kisimi tapiissutigineqassaaq. Angalatitsivimmi akikilliliisoqartillugu akikilliliineq sapinngisamik atorneqassaaq.

Feriefrirejsefondip ilanngullugu aalajangerpaa ukiut tamaasa tapiinerit qanoq annertutigissanersut aalajangiiffigisalissallugit. Taamaasilluni feriefrirejse-rnissamut 2022 tapit annertunerpaaffissaa 2021 naanerani aalajangerneqassalluni.

Apeqqutissaqarussi Feriefrirejsefondip siulersuisuinut saaffiginnissinnaavusi. Allaffissorneranut apeqqutissaqarussi Atorfillit Kattuffianut saaffiginnissinnaavusi.

Inussiarnersumik inuulluaqqusivoq

KIGUT feriefrirejsefondiani siulersuisut