{"id":11129,"date":"2022-02-28T10:22:59","date_gmt":"2022-02-28T13:22:59","guid":{"rendered":"https:\/\/ak.gl\/ak-p-isumaqatigiissutaannik-atuisut-ernisimalluni-sulinngiffeqarnermi-tamakkiisumik-akissarsiaqartussaalersut\/"},"modified":"2022-02-28T10:22:59","modified_gmt":"2022-02-28T13:22:59","slug":"ak-p-isumaqatigiissutaannik-atuisut-ernisimalluni-sulinngiffeqarnermi-tamakkiisumik-akissarsiaqartussaalersut","status":"publish","type":"post","link":"https:\/\/ak.gl\/ka\/ak-p-isumaqatigiissutaannik-atuisut-ernisimalluni-sulinngiffeqarnermi-tamakkiisumik-akissarsiaqartussaalersut\/","title":{"rendered":"AK-p isumaqatigiissutaannik atuisut ernisimalluni sulinngiffeqarnermi tamakkiisumik akissarsiaqartussaalersut"},"content":{"rendered":"<p><em>Atorfillit Kattuffiat (AK) Aningaasaqarnermut Sulisoqarnermullu Aqutsisoqarfik illuatungeralugu isumaqatigiissutigaat AK-p isumaqatigiissutaanik atuisut meerartaarsimalluni sulinngiffeqarnermi tamakkiisumik\u00a0 akissarsiaqartalissasut. AK-p siulittaasuata, Dina Olsenip, tamanna nuannaarutigaa ASA-llu isumaqatigiissummi matumani isumaqatiginninniarnissaq 2023-imi pisussaq utaqqinngikkaluarlugu iliuuseqarsimammat nersualaarlugu<\/em><\/p>\n<p>Januaarip aallaqqaataa 2022 aallarnerfigalugu AK-p isumaqatigiissutaannik atuisut meerartaarnermut atatillugu sulinngiffeqarnermi tamakkiisumik akissarsiaqartussanngorput.<\/p>\n<p>2020-mi januaarimi naartunermi, erninermi meeravissiartaarnermilu sulinngiffeqartarneq pillugu inatsit nutaanngormat angajoqqaat sulinngiffeqartarnerat sapaatit akunnerinik sisaminik sivitsorneqarpoq. Inatsisip atuutilerneranittaaq naartusut erninnginnermi sulinngiffeqartarnerat sapaatit akunnerinik marlunnik sivitsorneqarpoq.<\/p>\n<p>Inatsisip nutaap sulinngiffeqarnermik sivitsuineq, tassa erninnginnermi sapaatip akunnerinik marlunnik sivitsuineq kiisalu angajoqqaatut sulinngiffeqarsinnaanermik sapaatit akunnerinik sisamanik sivitsuineq, AK-p isumaqatigiisutaannik atuisunut ima kinguneqarpoq; inatsimmi sivitsuutaasut akissarsiaqarfiginagit ullormusiaqaatigiinnarsinnaanngoraluarpaat. Maannali taamaakkunnaarpoq; tassami meerartaarnermut atatillugu sulinngiffeqarnermi tamakkiisumik akissarsiaqarnissaat isumaqatigiissutigineqarpoq. \u00a0Tamanna isumaqatigiinniarnerit nalinginnaasut 2023-mi pisussat sioqqullugit pivoq.<\/p>\n<p>&#8211; Isumaqatigiissutitsinnik atuisut meerartaarnermut atatillugu sulinngiffeqarnermi tamakkiisumik akissarsiaqartussaalernerat nuannaarutigaara, Dina Olsen oqarpoq, nangillunilu;<\/p>\n<p>&#8211; Angajoqqaanngortut aningaasaqarnikkut toqqissisimanerulernissaat qularinngilara, neriuutigaaralu angajoqqaanngortut aningaasanik eqqasuuteqaratik inuunertik nutaaq aallulluarsinnaalissagaat.<\/p>\n<p><strong>Namminersorlutik Oqartussat nersualaarneqarput<\/strong><\/p>\n<p>Inatsit nutaaq atuutilermat AK-p isumaqatigiissutai maanna atuuttut atsiorneqareernikuupput, taamaammallu inatsimmi sulinngiffeqarnermut sivitsuineq AK-p isumaqatigiissutaannik atuisunut aningaasarsiaqaataanikuunatik.<\/p>\n<p>2021-mi aasaasoq ASA AK-mut attaveqarpoq; AK-p isumaqatigiinniarnerit nalinginnaasut utaqqeqqaanngikkaluarlugit AK-p isumaqatigiissutaanik atuisut meerartaarnermut atatillugu sulinngiffeqarnermi akissarsiaqarsinnaalernissaat isumaqatigiissutaasinnaanera periarfissiissutigalugu.<\/p>\n<p>&#8211; ASA-p nammineerluni AK-mut periarfissiinerata suleqatigiilluarsinnaanerput takutippaa. Amerlasuutigut illuatungeriittarpugut, taamaakkaluartoq immitsinnut suleqatigiittut isigisinnaasarnissarput pikkoriffiginerusinnaavarput. Tassami soqutigisagut assigiipput. Tamattami atorfillit sulinermi atugarissaarnissaat kissaatigaarput, taamatullu suliffimmut tunniussilluarnissaat. Taamaammat ASA uani iliuuseqarmat nersualaarusuppara, Dina Olsen oqarpoq.<\/p>\n","protected":false},"excerpt":{"rendered":"<p>Atorfillit Kattuffiat (AK) Aningaasaqarnermut Sulisoqarnermullu Aqutsisoqarfik illuatungeralugu isumaqatigiissutigaat AK-p isumaqatigiissutaanik atuisut meerartaarsimalluni sulinngiffeqarnermi tamakkiisumik\u00a0 akissarsiaqartalissasut. AK-p siulittaasuata, Dina Olsenip, tamanna nuannaarutigaa ASA-llu isumaqatigiissummi matumani isumaqatiginninniarnissaq 2023-imi pisussaq utaqqinngikkaluarlugu iliuuseqarsimammat nersualaarlugu Januaarip aallaqqaataa 2022 aallarnerfigalugu AK-p isumaqatigiissutaannik atuisut meerartaarnermut atatillugu sulinngiffeqarnermi tamakkiisumik akissarsiaqartussanngorput. 2020-mi januaarimi naartunermi, erninermi meeravissiartaarnermilu sulinngiffeqartarneq pillugu inatsit nutaanngormat angajoqqaat sulinngiffeqartarnerat sapaatit akunnerinik [&hellip;]<\/p>\n","protected":false},"author":1289,"featured_media":11126,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-11129","post","type-post","status-publish","format-standard","has-post-thumbnail","hentry","category-nutaarsiassat"],"_links":{"self":[{"href":"https:\/\/ak.gl\/ka\/wp-json\/wp\/v2\/posts\/11129","targetHints":{"allow":["GET"]}}],"collection":[{"href":"https:\/\/ak.gl\/ka\/wp-json\/wp\/v2\/posts"}],"about":[{"href":"https:\/\/ak.gl\/ka\/wp-json\/wp\/v2\/types\/post"}],"author":[{"embeddable":true,"href":"https:\/\/ak.gl\/ka\/wp-json\/wp\/v2\/users\/1289"}],"replies":[{"embeddable":true,"href":"https:\/\/ak.gl\/ka\/wp-json\/wp\/v2\/comments?post=11129"}],"version-history":[{"count":0,"href":"https:\/\/ak.gl\/ka\/wp-json\/wp\/v2\/posts\/11129\/revisions"}],"wp:featuredmedia":[{"embeddable":true,"href":"https:\/\/ak.gl\/ka\/wp-json\/wp\/v2\/media\/11126"}],"wp:attachment":[{"href":"https:\/\/ak.gl\/ka\/wp-json\/wp\/v2\/media?parent=11129"}],"wp:term":[{"taxonomy":"category","embeddable":true,"href":"https:\/\/ak.gl\/ka\/wp-json\/wp\/v2\/categories?post=11129"},{"taxonomy":"post_tag","embeddable":true,"href":"https:\/\/ak.gl\/ka\/wp-json\/wp\/v2\/tags?post=11129"}],"curies":[{"name":"wp","href":"https:\/\/api.w.org\/{rel}","templated":true}]}}