{"id":11403,"date":"2022-03-21T09:30:13","date_gmt":"2022-03-21T12:30:13","guid":{"rendered":"https:\/\/ak.gl\/?p=11403"},"modified":"2022-03-21T09:34:49","modified_gmt":"2022-03-21T12:34:49","slug":"ak-eqqartuussivimmi-ajugaasoq-ilaasortaq-250-000-koruuninnappoq","status":"publish","type":"post","link":"https:\/\/ak.gl\/ka\/ak-eqqartuussivimmi-ajugaasoq-ilaasortaq-250-000-koruuninnappoq\/","title":{"rendered":"AK eqqartuussivimmi ajugaasoq: Ilaasortaq 250.000 koruuninnappoq"},"content":{"rendered":"

Ukiut 12-ngajaat atorfinitsitaagallarneq atorfinivissimanertut naleqqiunneqassaaq. Tamanna Nunatsinni Eqqartuussiviup naqissuserpaa. Taamaammat atorfinitsikkallarneqannginnermi atorfigisimasamut utertsitsineq soraarsitsinertut isigineqassaaq. Eqqartuussiviup aalajangernera taamaasilluni AK-mut ilaasortap 250.000 koruunit nalinginik akissarsitinneqarlunilu ajunngitsorsiassinneqarneranik kinguneqarpoq<\/em><\/p>\n

AK-p ilaasortaa, ukiorpassuarni ilaasortaasimasoq, 2007-mi allaffimmiuunermi nalaani Qeqqata Kommuniani sunngiffimmi inspekt\u00f8ritut atorfinitsikkallarneqarpoq.<\/p>\n

Ukiut aqqaneq marlungajaat inspekt\u00f8riugallareerluni sulisitsisuminit ilisimatinneqarpoq; atorfigigallagaa inuttassarsiorneqalersoq allamillu inuttalerneqassappat allaffimmiutut atorfimminut utertinneqassasoq.<\/p>\n

AK-lli ilaasortaa ukiut aqqaneq marlungajaat atorfigigallakkani atorfivimmisut isigilersimavaa. Taamaammat Atorfillit Kattuffiannut ilaasortaaffigisaminut saaffiginnippoq suliaq nalilertikkusullugu.<\/p>\n

Ukiut aqqaneq marluk atorfinikkallartitsisoqarsinnaanngilaq <\/strong><\/p>\n

Suliaq Atorfillit Kattuffiannit misissorneqarmat equngasoqarnera takuneqarsinnaasimasoq Dina Olsen, AK-mi siulittaasoq, oqaluttuarpoq.<\/p>\n

– Ilaasortarput ukiut aqqaneq malungajaat inspekt\u00f8riugallartinneqarsimasoq takusinnaavarput, taannalu AK-p isumaqatigiissutaa malillugu pisimasoq aamma takusinnaallutigu. Ukiunilu taakkunani sulisitsisup atorfik inuttassarsiortarsimanngikkaa aamma paasivarput. Ilaasortatta pissutsit allat atorfiup pineqartup inuttassarsiulerneranut patsisaasinnaasut oqaasiinnartigut oqaluttarai uagullu uppernartutut nalilerpagut, Dina Olsen oqaluttuarpoq, nangillunilu;<\/p>\n

– Ukiut taamak amerlatigisut atorfeqartitaagallarsinnaagaanni taava atorfeqartut atorfimmut naleqquttuusimassaaq, taamaammat sulisitsiup ilaasortarput allaffimiumiit inspekt\u00f8rimut qaffatsissimasinnaagaluaraa isumaqarpugut. Sulisitsisorli atorfik inuttassarsiorniarlugu aalajangiussimavaa, qinnuteqartussallu aalajangersimasumik ilinniagaqarnissaannik piumasaqaatitalerlugu. Ilaasortatta ilinniagaq piumasaqaataasoq piginngimmagu qinnuteqaraluaruni atorfinittussatut piukkunnartutut nalilerneqarnavianngitsoq nalilerparput. Taamaammat atorfiup inuttassarsiorneqalernera ilaasortatsinnik, sulisitsisup naliliinerinnaa tunngavigalugu, soraarsitsinertut nalilerparput, tassami ilaasortatta inuttut qanoq issusaa atorfilittulluunniit piginnaasai soraarsitsinermi tunngaviunnginnamik.<\/p>\n

Taamaariarmat Atorfillit Kattuffiat aalajangerpoq; suliaq eqqartuussivimmi suliassanngortinniarlugu. Taamaaliornermi AK-p piumasaraa; sulisitsisut aamma atorfillit akornanni Inatsit malillugu qaammatini sisamani ilaasortaq akissarsiaqartinneqassasoq qaammatillu sisamat nalinginik ajunngitsorsiassaqartinneqassasoq.<\/p>\n

Suliaq Nunatta Eqqartuussivianut septembarimi 2020-mi suliassanngortinneqarpoq februarimilu 2022-mi AK ilaasortarlu isumaqatigineqarlutik aalajangiiffigineqarluni. AK-p siulittaasuata aalajangiineq nuannaarutigaa.<\/p>\n

– Soorunami Nunatta Eqqartuussivianit ilalerneqarnerput nuannaarutigaarput. Ukiorpassuarni atorfinitsikkallarneqarneq kiisalu suliamut tunngasut allat isigissagaanni naliliinikuuvugut; ilaasortarput atorfinivissimasoq eqqunngitsumillu tunngavilimmik soraarsinneqarsimasoq. Tamannalu eqqartuussivimmit isumaqatigineqarpoq.<\/p>\n

Eqqartuussissuserisoq Marie Louise Frederiksenip suliaq AK ilaasortarlu sinnerlugit suliarinikuuaa. AK-p ilaasortaata kinaassutsini isertuukkusussimavaa.<\/p>\n","protected":false},"excerpt":{"rendered":"

Ukiut 12-ngajaat atorfinitsitaagallarneq atorfinivissimanertut naleqqiunneqassaaq. Tamanna Nunatsinni Eqqartuussiviup naqissuserpaa. Taamaammat atorfinitsikkallarneqannginnermi atorfigisimasamut utertsitsineq soraarsitsinertut isigineqassaaq. Eqqartuussiviup aalajangernera taamaasilluni AK-mut ilaasortap 250.000 koruunit nalinginik akissarsitinneqarlunilu ajunngitsorsiassinneqarneranik kinguneqarpoq AK-p ilaasortaa, ukiorpassuarni ilaasortaasimasoq, 2007-mi allaffimmiuunermi nalaani Qeqqata Kommuniani sunngiffimmi inspekt\u00f8ritut atorfinitsikkallarneqarpoq. Ukiut aqqaneq marlungajaat inspekt\u00f8riugallareerluni sulisitsisuminit ilisimatinneqarpoq; atorfigigallagaa inuttassarsiorneqalersoq allamillu inuttalerneqassappat allaffimmiutut atorfimminut utertinneqassasoq. AK-lli ilaasortaa ukiut aqqaneq […]<\/p>\n","protected":false},"author":1289,"featured_media":11402,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-11403","post","type-post","status-publish","format-standard","has-post-thumbnail","hentry","category-nutaarsiassat"],"_links":{"self":[{"href":"https:\/\/ak.gl\/ka\/wp-json\/wp\/v2\/posts\/11403","targetHints":{"allow":["GET"]}}],"collection":[{"href":"https:\/\/ak.gl\/ka\/wp-json\/wp\/v2\/posts"}],"about":[{"href":"https:\/\/ak.gl\/ka\/wp-json\/wp\/v2\/types\/post"}],"author":[{"embeddable":true,"href":"https:\/\/ak.gl\/ka\/wp-json\/wp\/v2\/users\/1289"}],"replies":[{"embeddable":true,"href":"https:\/\/ak.gl\/ka\/wp-json\/wp\/v2\/comments?post=11403"}],"version-history":[{"count":0,"href":"https:\/\/ak.gl\/ka\/wp-json\/wp\/v2\/posts\/11403\/revisions"}],"wp:featuredmedia":[{"embeddable":true,"href":"https:\/\/ak.gl\/ka\/wp-json\/wp\/v2\/media\/11402"}],"wp:attachment":[{"href":"https:\/\/ak.gl\/ka\/wp-json\/wp\/v2\/media?parent=11403"}],"wp:term":[{"taxonomy":"category","embeddable":true,"href":"https:\/\/ak.gl\/ka\/wp-json\/wp\/v2\/categories?post=11403"},{"taxonomy":"post_tag","embeddable":true,"href":"https:\/\/ak.gl\/ka\/wp-json\/wp\/v2\/tags?post=11403"}],"curies":[{"name":"wp","href":"https:\/\/api.w.org\/{rel}","templated":true}]}}