Naalakkersuisut AK-llu akunnerminni ataatsimoorluni sillimaseqqanermut aaqqissuussaq pillugu isumaqatigiissut ulloq 20. juli 2012-imeersut tunngavigalugu AK-p isumaqatigiissutaanik atuisut sillimmaseqqaneqarput.
Ataatsimoorussamik sillimmaseqqaneq tassaavoq katersinertaqanngitsumik sillimmat, taanna taamaallaat sillimmaseqqasumut tunniunneqartartoq sillimmaseqqanermi piumasaqaatit malillugit sillimmaseqqanerup nalaani qanimanartunik nappaateqalersimagaanni imaluunniit toqusimagaanni.
Soraarnerusutisiassanut katersineq pillugu AK-p isumaqatigiissummik nutarterinerata kingorna sulisut tamarmik taakkununnga sillimmaseqqanerat soraarnerusutisiassanut katersakkoorlugu matussusernikuuvoq, taamaattumillu maannamut Forenede Gruppeliv-imi sillimmaseqqanerup atuutiinnarnissaa pisariaqarunnaarluni.
Taamaalilluni taanna sillimmat atorunnaarsinneqassaaq sillimmaserneqarnerlu atuukkunnaassalluni ukioq 2024-p naanerani. Aningaasat taakkununnga sillimmaserneqarnernut atorneqartaraluartut allanut peqqinnissaq pillugu suliniutinut atornissaat AK-mit siunniunneqarpoq.
AK piffissami sivisuumi kingullermi nutaamik sillimmasernissamik periarfissanik ujartuisimavoq maannalumi taamaattumik atuutsitsisinnaasunik attaveqaqateqarluni. Tamanna piareeriarpat kingusinnerusukkut nalunaarutigiumaarparput.
Matumunnga allakkiamut tunngatillugu apeqqutissaqartoqaruni uunga saaffiginninnissaminnut tikilluaqqusaapput: aknuuk@ak.gl
Inussiarnersumik inuulluaqqusillunga
Atorfillit Kattuffiat
Dina Olsen, siulittaasoq