Isumaqatigiissutit ataani allaqqasut arlaat malillugu atorfeqartutut PFA Pensionimi soraarnerussutisiaqarnissamut aaqqissuussinermik tunngaviatigut peqartussaassaatit:
1. august 2023 aallarnerfigalugu nutaamik suleqateqalerneq aamma soraarnerussutisiaqarnissamut aaqqissuussinermik nutarnerineq
Soraarnerussutisiaqarnissamut aaqqissuussinerit neqeroorutigineqarsinnaasut pitsaanersaannik, qaquguk-kulluunniillu orniginarnerpaanik allannguivigiuminarnerpaanillu atugassaqartitsiviusunik Atorfillit Kattuffiata ilaasortaminut neqerooruteqarsinnaanissaani pingaartitaraa.
WTW, soraarnerussutisiat pillugit isumaqatigiinniartartunik allanut pituttorsimanngitsunik inuttaqartoq, Kalaallillu Nunaanni soraarnerussutisiaqarnissamut aaqqissuussinerit pillugit, matumani aamma soraarnerussutisiat sillimmasiissutillu pillugit aaqqissuussinernik qanoq ittunik atuinissamut siunnersuinermik ilisimasaqarluartoq suleqatigalutigu tamanna siunissami qulakkeersinnaassallutigu naliliivugut.
Taamaattumik ilaasortatta PFA Pensionimi soraarnerussutisiaqarnissamut aaqqissuussinermut peqataasussaatitaasut PFA Pensionimi soraarnerussutisiaqarnissamut aaqqissuussinerannut tunngatillugu siunnersuinermik isumaginnittuusussaq WTW suleqatigiinnissamik isumaqatigiissuteqarfigaarput.
Allanut pituttorsimanani siunnersuineq
Siunnersuisut allanut pituttorsimanngitsut immikkut toqqakkat, tamarmillu illit suliffiit aqqutigalugu soraarnerussutisiaqarnissamut aaqqissuussininnik ilisimasaqarluartut saaffissatut WTW-ip sulisorai.
Qanoq ingerlariaqqinnissaq kiisalu periarfissat pitsanngorsaatillu nutaat WTW-mik suleqateqarnerup nassatariumaagassai pillugit paasissutissiinerit ilaasortanut toqqaannartumik nassiunneqartassapput.
Tamanna ilinnut qanoq kinguneqassava?
Soraarnerussutisiaqarnissamut aaqqissuussinerit maanna PFA Pensionimiittoq 1. august 2023-mi nutarterlugu soraarnerussutisiaqarnissamut nutaamik isumaqatigiissusiortoqassaaq. Allannguutit ilaatigut WTW-p paasisitsiniaalluni ataatsimiisitsinissaani paasisaqarfiginerusinnaavatit.
Qanoq sillimmasigaanerit, sunik periarfissaqarnerlutit aammalu soraarnerussutisiaqarnissamut aaqqissuussineq ilinnut tunngasoq sumut atorsinnaanerit pillugit paasissutissat ataani takusinnaavatit.
Atorfillit Kattuffiata isumaqatigiissutaanik atuisut tamarmik ulloq 1. august 2023 aallarnerfigalugu soraarnerussutisiaqarnissaq pillugu PFA-mut nutaamik pitsaanerusumillu, WTW suleqatigalugu isumaqatigiissusiuunneqarput. Tassunga atatillugu naatsorsuutigineqaraluarpoq siusinnerusukkulli ileqqaagaareersut (PFA Soraarnerusimasumi) PFA-mi maanna ileqqaakkanut nuunneqarsinnaassasut.
Ajoraluartumilli paasinarsivoq tamanna periarfissaanngitsoq. Aporfiup taassuma aaqqiivigineqarsinnaanera neriuutigalugu utaqqivugut.
Qaffasippallaamik sillimmasigaavit?
Ileqqaagarereersimasavit maanna ileqqaakkanut nuussinnaannginnerat pissutigalugu imaassinnaavoq toqunermi sillimmasigaanerit qaffasippallaartoq. Aaqqissuussinitoqqavit maannalu aaqqissuussinerpit tamarmik sillimmasigaanermik, toqunermi tunniunneqartussamik imaqarsinnaanerat tassunga pissutaavoq.
Taamaattumik WTW-p maanna PFA-mut isumaqatigiissutigaa, toqunermi sillimmasigaanerpit maanna aaqqissuussinermut pinngitsoorani ilaasussap appartinnissaanut periarfissaqassasutit. Sillimmasigaanerit ukiumut akissarsiavit 100 %-iattut annertutigivoq, taannali ukiumut akissarsiavit 50 %-iannut appartissinnaavat. Tamanna kissaatigigukku sillimmasiissutinnut akiliummut sipaaruteqassaatit.
Assersuut una takuuk:
Sulisup akissarsiai | Toqunermi sillimmasigaaneq | PFA-mi akia (akunnaallisaq) |
300.000 kr. | 100 % | Ukiumut 360 kr.-it |
300.000 kr. | 50 % | Ukiumut 180 kr.-it |
Tassa imaappoq ukiumut 300.000 kr.-inik akissarsiaqaruit, taava akissarsiavit 100 %-iinik sillimmasigaaninnut maanna ukiumut 360 kr.-it akilertarpatit (aningaasat soraarnerussutisiaqarnissamut ileqqaakkannit ilanngaatigineqartarput). Sillimmasigaanerit 50 %-imut appartinniarukku, taava taanna ukiumut 180 kr.-inik akeqassaaq. Taamaalillutit qaammammut ”15 kr.-it sipaartagassatit” soraarnerussutisiaqarnissamut ileqqaakkanniiginnartassapput.
Apeqqutissaqaruit WTW saaffigiuk
Qulaani allaqqasut pillugit apeqqutissaqaruit WTW oqarasuaatikkut 0045 88 13 92 82 imaluunniit mail-ikkut dk-pension@wtwco.com saaffigiinnassavat.
Aamma soraarnerussutisiat pillugit tamakkiisumik siunnersorneqarnissat pillugu ataatsimeeqateqarnissamik ugguuna inniminniisinnaavutit https://pension-access.dk/#/dan-da/home
Ilinnut tunngasoq soraarnerussutisiaqarnissamut aaqqissuussineq tunngaviusumik sillimmasigaanernik illit nammineerlutit ilaartorsinnaasannik, aammalu sillimmasigaanernik pioreersunik annertuninngortissinnaasannik imaqarpoq.
Soraarnerussutisiaqarnissamut aaqqissuussineq pillugu paasisaqarnerusinnaavutit ukunatigut; FAKTAARK naalisagaq aamma FAKTA-ARK takisooq.
Illit soraarnerussutisiaqarnissamut aaqqissuussinerit quppernermi uani annerusumik paasisaqarfigisinnaavat Pension Access
Kiisalu PFA-mi illit nammineq quppernerit ugguuna iserfigisinnaavat www.mitpfa.dk
PFA Pensionimi soraarnerussutisiaqarnissamut aaqqissuussineq pillugu apeqqutissaqaruit WTW oqarasuaatikkut +45 88 13 92 82-ikkut attavigisinnaavat.
WTW-p oqarasuaataata ammasarfii (Danmarkimi nalunaaqutaq malillugu)
Ataasinngorneq: 08.30–16.00
Marlunngorneq: 08.30–16.00
Pingasunngorneq: 08.30–16.00
Sisamanngorneq: 08.30–16.00
Tallimanngorneq: 09.00–15.00
Kiisalu WTW mailikkut ugguuna allaffigisinnaavat: dk-pension@willistowerswatson.com
Soraarnerussutisiaqarnissaq pillugu WTW-mi siunnersortimit siunnersorneqarumallutit inniminniinissamut sukkulluunniit periarfissaqarputit:
Soraarnerussutisiaqarnissaq pillugu siunnersorneqarnissamik inniminniiniaruit tuugassaq isissutissarlu ataani allaqqasut atussavatit:
https://www.willis.dk/maeglerbooking/guibruger/default.aspx
Brugernavn: Grønland
Kode: pension
Ataatsimiinneq qallunaatut ingerlanneqassaaq, kisianni ataatsimiinnermi ikiortissannik kalaallisuumiit/kalaallisuumut nutserussisinnaasumik nammineq toqqakkannik ilaqarnissamut tamatigut periarfissaqarputit.
