Qinnguteqarnermi ilanngunneqassapput atorfeqarnermi uppernarsaatip kopiia, qinnuteqarnermilu tamatigut ilanngunneqassaaq sumi najugaqarnermi uppernarsaat.

Piumasaqaatit allat makku naammassineqarsimassapput:

• Kattuffiit taaneqartut arlaata isumaqatigiissutaa toqqammavigalugu sivikinnerpaamik ukiut marluk atorfeqarsimanissaq, tamatumalu kingorna ukiut marluk qaangiunneranni qinnuteqartoqaqqissinnaalluni.
• Katissimanngitsunut sivikinnerpaamik ukioq ataaseq inooqatigiissimaneq kommunemit uppernarsarneqassaaq.
  Sumi najugaqarnermut uppernarsaat – uppernarsaatit – inuit allattorsimaffiata naqissusigaa atsiugaalu ilanngunneqassaaq.
• Aningaasaateqarfimmit kingullermik tapiiffigineqarsimaneq erseqqissumik ilisimatitsussutigineqassaaq (qaammat – ukioq)
• Tapiiffigineqarsinnaalluni ilisimatinneqareernerup kingorna piniarneqassaaq angalanissamut pilersaarut, tassunga illanngullugit angalasussat tamarmik atii, sumunnarfii, qanorlu sivisutigisumik angalanissaq, angalatitseqatigiiffiit uku arlaanniit: Angalatitseqatigiiffik Grønlands Rejsebureau, VR Travel (siusinnerusukkut Vejle Rejser), Tupilak Travel, Ulu Travel aamma Inuk Travel ApS.
• Qinnuteqartup angalatitseqatigiiffiulluunniit angalanissamut pilersaarut uunga nassiutissavaa Feriefonden@alg.gl, tamatumalu kingorna angalatitseqatigiiffik angalanissamut rekvisitionimik nassinneqassaaq.
• Aalajangersimasumik patsiseqartumik angalasinnaajunnaassagaanni sillimmaserneq angalanissamik inniminniinermi ilanngunneqassaaq.

Malugiuk:
Siusinnerusukkut ileqquusimasoq, angalaniartut namminneerlutik timmisartuutileqatigiiffinnut billetsinik pisisarnerat atorunnaarpoq.
Tamatumunnga patsisaavoq aningaasanik atugassiissutinik siunertaanngitsumut atuisoqartarsimanera. Siunissami periuseq akuerineqartoq tassaalerpoq angalatitseqatigiiffiit taaneqartut aqqutigalugit angalanissamik pisineq.