Atorfillit Kattuffiat (AK) Danmarkimi sulinermik inuussutissarsiuteqartut kattuffissuannut Fagbevægelsens Hovedorganisation (FH)-mut ilaasortaavoq. Tamanna periarfissiivoq AK-p ilaasortaasa Tjenestemændenes Låneforening: https://www.tjlaan.dk/ansoeg-om-laan/hvem-kan-laane aqqutigalugu atorniarsinnaanerannut.
Tjenestemændenes Låneforening-imut atorniarsinnaasut tassaapput tjenestemandit aamma isumaqatigiissutit overenskomstit toqqammavigalugit Naalagaaffimmi Nunatsinnilu pisortani atorfeqartut. Taakku saniatigut tjenestemanditut soraarnerussutisiaqalereersimasut atorniarsinnaapput. Attartukkalli tamarmik 75-iliinermi utertinneqareersimassapput.
Piumasaqaatit:
- Tjenestemændenes Låneforening-imut attartoniaraanni AK-mi ukioq ataaseq ilaasortaareersimasariaqarpoq.
- Piumasaqaataavoq suliffigisap aamma Tjenestemændenes Låneforening-ip akornanni isumaqatigiissuteqartornissaa attartukkat akissarsianit ilanngaatigalugit utertinneqarsinnaanerannik. Attartukkat akissarsiat aqqutigalugit utertinnissaannik suliffigisaq isumaqatigiissuteqarfigineqanngippat Tjenestemændenes Låneforening-imut atorniartoqarsinnaanngilaq.
- Qinnuteqaat taamaallaat Tjenestemændenes Låneforeningimit suliarineqartarpoq.
- Qinnuteqaatip suliarinerani oqaatsit qallunaatuut kisimik atorneqartarput.
Nalorniguit, annerusumilluunniit paasisaqarusukkuit, taava emailersinnaavutit uunga: aknuuk@ak.gl