Atorfillit Kattuffiata (AK) aamma Aningaasaqarnermut Sulisoqarnermullu Aqutsisoqarfiup (ASA) isumaqatigiissutigaat isumaqatiginninniarnerit aallartinnissaat patsiseqartumik augustimut kinguartinneqassasut.
Atorfillit Kattuffianniit (AK) siusinnerusukkut ilisimatitsissutigineqarpoq pisortani atorfeqartut akissarsiaat atorfeqarnerminnilu atugarisaat pillugit Namminersorlutik Oqartussat isumaqatiginninniarnerat juni 2023 aallartissasut, tassani pineqarlutit; tjenestemandit, isumaqatigiissummik funktionsoverenskomsten toqqammavilimmik atorfeqartut, KIGUT, Nakorsat allattaat aamma isumaginninnermi siunnersortit sullissisut. Kiisalu ukiup affaani kingullermi ingerlanneqassasut isumaqatiginninniarnerit Namminersorlutik Oqartussat / Tusass – teleteknikerit, centralteknikerit, liniemontørerit, aamma aspirantit pillugit isumaqatigiissut kiisalu Naalagaaffimmi atorfeqartut isumaginninnermik siunnersortitut sulisut (Pinerluttunik Isumaginnittoqarfik) pillugit isumaqatigiissutinut tunngassuteqartut.
Dina Olsen, Siulittaasoq, AK:
– Namminersorlutik Oqartussani Aningaasaqarnermut Sulisoqarnermullu Aqutsisoqarfillu paaseqatigiilluta isumaqatiginninniarnerit kinguartinneqarnissaat patsiseqartumik kinguartittariaqarsimavarput. Isumaqatiginninniarnerit ukioq naatinnagu naammassinissaat AK-miit neriuutigaarput.