Atorfilinnut Naalakkersuisut Peqatigiiffiullu Kigut-ip akornanni isumaqatigiissut sukkulluunniit atuuttoq naapertorlugu sulisitsisup feeriarnissamut aningaasaateqarfimmut akileeqataaffigisartagaanut feeriarnissamut tapiissuteqartoqartassaaq ukiuni marlunni atorfininnerminngaanniit katersereernerup kingornatigut.

Imm. 2. Kingusinnerpaamik feeriarnissaq pilersaarutigisaq qaammatinik pingasunik sioqqullugu qinnuteqartoqassaaq:

1. a) Feeriarluni angalanissaq qaammatisiutit ukiuanni pineqartumi 1. aprilimiit 30. septembarip tungaanut kissaatigineqarpat qinnuteqaat qaammatisiutit ukiuanni pineqartumi kingusinnerpaamik angalanissamut pilersaarut qaammatinik pingasunik sioqqullugu aningaasaateqarfimmut tunniunneqareersimassaaq.
2. b) Feeriarluni angalanissaq qaammatisiutit ukiuanni pineqartumi 1. oktobarimiit qaammatisiutit ukiuanni tulliuttumi 31. martsip tungaanut kissaatigineqarpat qinnuteqaat qaammatisiutit ukiuanni pineqartumi kingusinnerpaamittaaq angalanissamut pilersaarut qaammatinik pingasunik sioqqullugu aningaasaateqarfimmut tunniunneqareersimassaaq.

Imm. 3. Angalanissamut annerpaamik tapiissutigineqarsinnaavoq atorfillip sumiiffimmi suliffeqarfianiit Kastrupimut uterlugulu nalingninnaasumik akiata nalinga. Angalasinnaaneq akikinneruppat akerpiaa kisimi tapiiffigineqassaaq. Angalatitsisarfiup timmisartuutillilluunnit akikillisaataat ajornartinnagu atorneqassapput.

Imm. 4. Aningaasaateqarfimmiit tapiiffigineqarsinnaatitaaneq piffissap katersuiffiup naaneraniit kingusinnerpaamik qaammatit aqqaneq marluk qaangiunneranni atorneqarsimassaaq.

Imm. 5. Angalanissaq atorfillip angalatitsisarfimmi timmisartuuteqarfimmiluunniit inniminnissavaa. Atorfillip feeriarnissamut tapiiffigineqarnissamik qinnuteqaatimini ilanngutissavaa angalanissamut inniminnikkamut uppernarsaat, tamatumani ilanngullugu qanoq akeqarnera.

Siulersuisut aalajangiunnikuuaat Billet-it akikinnerit kisiisa taperneqartassasut, billetillu inniminnikkat tamarmik pinngitsooratik taamaatitsinissamik forsikringeqariissasut (afbestillingsforsikring).  Angalanissaq billetinik akikinnerniit akisuneqarulersimappat angalasussap nikingassutaa nammineq akilissavaa.

Qinnuteqarnermi atorfeqarnermut isumaqatigiissut Bopælsattest-ilu pinngitsooratik ilanngunneqartassapput.

Piumasaqaatit ataani allaqqasut eqquutsinneqarsimasariaqarput:

• • Minnerpaamik ukiut marluk Kigut isumaqatigiissut aqqutigalugu atorfeqareersimasoq feriefond-ikkut taperneqarsinnaavoq.
  • Katissimanngitsut angalaqatigiikkusuttut sivikinnerpaamik ukioq ataaseq inooqatigiissimalluni Bopælattest aqqutigalugu uppernarsarneqassaaq –bopælsattest ”historisk adresser”-mik ilalimmik kommunimit atsiukkamik kakkiussinikkut uppernarsarneqassaaq.
  • Kingullermik feriefondimiit akuerineqarsimaneq ersarissumik allaqqassaaq (qaammat/ukioq)
  • Taperneqarsinnaaneq nalunaarutigineqareersimanerata kingorna angalanissamik paasissutissat atiisa, angallavissaq piffissaalu inniminnerneqassaaq angalatitsivinnut akuerineqartunut uku arlaannut: Grønlands Rejsebureau, VR Travel (Tidligere Vejle Rejser), Tupilak Travel, Ulu Travel aamma Inuk Travel
  • Qinnuteqartoq imaluunniit angalatitsivik sullissisoq angalanissamik pilersaarut uunga nassiutissavaa KIGUT@ak.gl, taassuma kingorna angalatitsivik rekvisition-itigut akiliiffigineqarumaarpoq.
  • Afbestillingsforsikringen inniminniinermi ilanngunneqarsimassaaq.

  Malugiuk: Siornatigut nammineq timmisartuuteqatigiiffikkooorlugu billetitsisinnaasimaneq atorunnaarnikuuvoq. Tapiissutigineqareersimasut atornerlunneqarsinnaanerat pissutigalugu. Angaatitseqatigiiffiit akuerineqarsimasut kisiisa aqqutigalugit billet-isisoqarsinnaanngornikuuvoq.