Naalakkat aquttullu Nunatsinni sulisut Naalagaaffimmilu atorfeqartut pillugit Atorfillit Kattuffiat aamma Naalagaaffik isumaqatigiissuteqarput. isumaqatigiissut ilaasortanit Nunatsinni atorfeqartunik akuerineqareemat atsiorneqarpoq juni 2023.
Isumaqatigiissut 15. juni 2023 atuuttussanngortinneqarpoq, aallarnerfigalugu 1. april 2022, 2026-illu tungaanut atuuffeqassalluni.
Isumaqatigiissummi pineqarput inuit, naalakkatut aquttutulluunniit Naalagaaffiup angallataanni atorfillit, aammalu angallami pineqartumi inuttat qanoq ilinniagaqarsimanissaannik piumasaqaatinut naammassinnittut.
Isumaqatigiissut 2022-2026 atuuttoq, suli qallunaatuinnaagallartoq, uani takuneqarsinnaavoq: UANI
Atorfillit Kattuffiata Naalagaaffiullu akornanni isumaqatigiissut siullerpaat atsiorneqarpoq 2006-imi, taamani AK-ip namminerisaminik Naalagaaffimmut isumaqatiginninniarnera pimmat. Isumaqatiginninniarnerit inernerat atsiorneqarpoq 18. maj 2006. Taamanikkut KNR-imi allaatiginninneq qallunaatuinnaavoq (qularnanngitsumik nittartakkap nutarterneqarnerani kalaallisuua sapangittoorneqarsimalluni). Takuuk: UANI