Atorfillit Kattuffiata ajuusaarutigaa atorfiit 50-it nalingannik ukiarmannamiit sipaarniuteqarnissaminik Avannaata Kommuneata aalajangernera.
Atorfillit Kattuffiata paasivaa kattuffiup ilaasortai sipaarniarnermik suli eqqorneqanngimmata, tassami Avannaata Kommuneani atorfeqartunik AK-mut ilaasortaasunit saaffiginnissumik kattuffik maannamut tigusaqanngimmat.
Sipaarniarnermik Atorfillit Kattuffiannut ilaasortanik eqquisoqassagaluarpat tamatuma piffissaalluartillugu AK-mut ilisimatitsisoqarnissaa piumaartoq Avannaata Kommuneanut kaammattuutigissavarput.
Avannaata Kommuneani pisut qanimut Atorfillit Kattuffianniit malinnaaffigineqarput.
Inussiarnersumik inuulluaqqusillunga
Aalipaaraq Kreutzmann
Ulluinnarni aqutsisunut ilaasortaq