Aningaasaqarnermut Sulisoqarnermullu Aqutsisoqarfiup Atorfillillu Kattuffiatalu (AK) akunnerminni isumaqatigiissutigalugu ukiaagaa 2023-imi isumaqatigiinniarnerit aallartissimavaat.
AK-p atorfiit assigiinngitsut isumaqatiginninniuttagai siammasissuupput Nunatsinnilu sulisut kattuffiisa annersaannut ilaalluni.
AK-p isumaqatigiissutaasa iluanni atorfiit assigiinngitsorpassuupput atuisullu immikkut tamarmik isumaqatigiinniutissatut piumasaqaateqarlutik.
Illua’tungeriinnit piumasasqaatinut annernut ilaasoq tassaavoq AK-p isumaqatigiissutaasa atuisunut atoruminarsarlugit ataatsimoortinneqarnissaat.
Isumaqatigiissutit paasiuminarsarneqarlutillu atoruminarsarneqassapput taamaalilluni akissarsiat eqqortut piffissarlu eqqortoq tunniunneqarnissaat pisassammat. Taamaattumik aamma maanna pingaaruteqarpoq isumaqatiginninniarnernut piffissap pisariaqartitap atorneqarnissaa isumaqatigiissutit torersumik naammassineqarnissaat pillugu.
AK-p aammalu Aningaasaqarnermut Sulisoqarnermullu Pisortaqarfiup isumaqatigiinniarnerit naammassinissaat sapinngisamik isumaqatigiissinnaagunillu maj 2024-imi pissasoq siunniuteqqavaat. Taassuma kingorna isumaqatigiinniarnerup inernerata taasissutigineqarnissaanut akuersissutigineqarnissaanullu tunngasut suliassat aallartinneqassapput. Isumaqatigiinniarnerullu inernera akuersissutigineqarsinnaariarpat akissarsianut pitsanngoriaatit qarasaasianut ikkussuunneri akissarsialerisunit ikkussuunneqareerpata tunniunneqarnissaat pisinnaanngussaaq. Taama suliaqarneq pisariaqarpoq taassumalu suliap naammassinissaanut qaammatit marluk pingasulluunniit qaavatigut atorneqassasut naatsorsuutigineqartariaqarpoq.