Atorfillit Kattuffianniit ilaasortaaffigineqartup Namminersorlutik Oqartussat ataanni ”Suliffigissaaneq pillugu siunnersuisoqatigiit” suliaritissimasaat tarnikkut sullivimmi avatangiisinut tunngasut quppersakkat maanna saqqummersinneqarput tassaappullu: ”UNIGIT – Kinguaassiuutitigut kanngutsaatsuliornerit pitsaaliukkit iliuuseqarfigalugillu” kiisalu ”Sullivimmi tarnikkut avatangiisit pitsaasut”. AK-mit neriuutigaarput quppersakkat taakku atorneqarumaartut iluaqutigineqarumaartullu. Quppersakkat taakku elektroniskimik uani nittartakkamut ilineqarput. Quppersakkat tigussaasut kingusinnerusukkut suliffeqarfinnut nassiussuunneqartussaapput.
Atorfillit Kattuffiata sulisut/ilaasortat suliffimminni pitsaasunik atugaqarnissaat pingaartippaa taamaammallu aamma siusinnerusukkut ilaasortat akornanni uippakajaarneq kiisalu kinguaassiuutitigut kanngutsaatsuliornerit pillugit misissuititsinikuulluni. Misissuinerit inernerisa takutissimavaat taakku ajornartorsiutit annertuallaartut taamaattumillu maanna piffissami aggersumi Atorfillit Kattuffiata suliffeqarfiit ilaasortaqarfini saaffiginiarpai suleqatiseralugit iliuuseqaqatigiinnikkut sullivimmi avatangiisit pitsaasut pilersikkumallugit. Kingornalu taakku tikillugit eqqartueqatiginissaat aamma pilersaarutaavoq.